2009年8月26日星期三

測試2

2009年8月某幾日

8月3日,再用驗孕棒測試,明顯的線條看見了,亦都證實了,老婆和我開心到飛起!

可能因為多了一個小生命在老婆的肚子裡,原本我講的無聊笑話,竟然笑到老婆停不了。

為了BB,我地再搵吉叔拎安胎茶。

8月8日,外父外母去完歐洲度假返來,送了一隻很別緻的細小 Rolex Spoon,話係送俾我地個BB,但我地明明就無話過俾任何人知道 (迷信的說法,因BB未夠3個月,如周圍同人講,會小器...),所以只好你眼望我眼,支吾以對。

陀住BB的老婆,口味變了,對以前愛吃的食物提不起興趣,甚至反胃,脾氣也變得怪怪了,易疲倦,而且好容易因一些小事就好想笑,係笑到肚痛果種。

8月15日,一大早起來,帶著醫生的懷孕證明信,直去廣華醫院登記,一切好順利,亦都得到醫院選中參與助產士計劃,即係有一班特定而好有經驗的助產士,定期為老婆檢查和提點。

8月25日,即係老婆生日當日,我地好緊張咁去睇李醫生,用超聲波第一次睇肚子內的BB。醫生話,一切很好,心跳一閃一閃的,很正常。我地當然舒了一口氣…  之後中午去食吉列專門店,慶祝老婆生日,以前吉列食物是老婆的最愛,但當日她就胃口全失,食得很少。  晚上7時,老婆好累,在床上睡覺了,我叫了她幾次,但她仍然想睡覺,過了一陣,門鈴響了,傳來 Winnie 同埋 June 的祝賀聲:「生日快樂!」老婆感到好驚喜,食過意粉薄餅,切過生日蛋糕,許過願,過了一個開心驚喜的生日。

2009年8月1日星期六

測試 1

2009年8月1日

早上老婆用驗孕棒測試,
...
發現輕微的線條顯示,
代表是BB製造成功嗎?