2013年4月1日星期一

2013沖繩7日帶B自駕遊(第2日)

沖繩自駕遊 2013 - 第2日

DAY 2 - 4 Mar 2013 (MON) [沖繩天氣早陰午晴,氣溫約 13-21度]

距離上一次 2007年到大阪自由行時,需要每日使用東橫 Inn設在地下大堂的電腦上網查天氣和資料,很不方便;這幾年的科技已起了很大很大的變化,今年,手上握著的小小螢幕已成為旅行必備的小型電腦,一部在手,再配合酒店提供的免費 Wifi /自家的小型無線 Router 接駁酒店房間的 Lan,要上網查資料,玩
Facebook
等沒有難度。

經過第一日的行程,待彤彤睡覺之後,又到我每日結算工作的時候,就是將當日的所有收據記錄計算所剩現金和簡略寫好之前一日的行程和經歷。最後就是再調整第二日的行程,作為有機會變陣的打算,當然最有用的工具就是已接通
Wifi上網的Android手機啦,因太太到達沖繩時曾提及過想去西松屋睇小朋友的物品,所以用 Google Map search一下,就找到第二日順路會經過的西松屋(宜野灣店),將這個地方也列入將會到的地點。準備妥當第二日的行程後,就抱頭大睡。

可惜,睡了不夠
5個小時,彤彤可能唔習慣睡陌生床,一大早,天還未光約 05:40就 叫醒了我和太太,因為今天行程是要太太駕車北上,路程頗遠,所以我著太太繼續睡而我就無奈起床陪阿囡,彤彤好乖無喊,我開了奶給她喝,她就乖乖坐著飲奶, 然後畫畫,油顏色;而我也開著電視,用微量的音量給她看電視;這裡的早晨電視節目對小朋友很細心和無微不至,因為這裡每天早上也會播放一些小朋友的節目, 有卡通啦,有教英語的,也有一位可愛小朋友帶領做小手工,玩遊戲和帶領一大群大約一歲的BB聽歌做運動,很可愛很有趣的,彤彤也看得不亦樂乎,很開心。

 
(就係這條頸鍊,是昨晚海音居酒屋的一位高大哥哥侍應送給彤彤的)




0900  早餐 @ JAL City Naha
執拾行李後,就去酒店的餐廳吃早餐;嘩!很驚喜!太豐富和太好味啦,原本想食完早餐再去第一牧志市場食海鮮的行程也因肚子太飽而取消了。


(自助早餐區很大又多食物款式選擇,而且食物質素很高,好好味)

1100  Check-out from JAL City Naha



執好行李就到酒店大堂 Check-out,之後往地牢的停車場取車,酒店職員很細心的將我們的行李放上車尾廂,我們一家三口的第二天自駕遊又起程了。



(太太,又再辛苦你了。)                     (上車不久,彤彤睡著了,很可愛)

1130-1245  西松屋(宜野灣店)

因為昨晚已去了食
Blue Seal 雪糕,所以無專程到 Blue Seal Big Dip (Tel.: 0988778258) 而轉往西松屋(宜野灣店),這裡的停車場是不收費的。

嘩嘩嘩,很大的一間專賣小朋友物品的
Supermarket,小朋友的用品應有盡有,種類和多樣性比香的荷花多好幾倍,而且,價錢實惠,有些折扣衣服可以便宜至 299日圓,真令人驚喜,太太忘我地不停購物,而彤彤和我就在這間超級市場內周圍遊玩,玩玩 Display 的玩具,也玩玩小朋友車 (因有些車是沒有鎖死的),彤彤就把這裡當是一個遊樂場玩耍。這裡很大,人也不多,Shopping 真的很開心 (當時這個場最多人時只得三個家庭 [包括我們這一家])


(這間西松屋是獨立建設的,外面又有免費停車場,讚!)

(超大超有規模的小朋友超級市場)
 




































(太太買得稱心,彤彤玩的開心)

(這間西松屋地方大,小朋友的物品又齊全,又有很多玩具,彤彤玩得忘形,好像去了一個遊樂場,去旅行嘛,就算不是景點,只要小朋友玩得開心,這就已經足夠了)
(沿途經過的 Starbucks 也是獨立建設的,規模超大,而營業時間亦很有趣,6:00 - 26:00 ,應該是早上6點至凌晨2點吧…)
(彤彤從西松屋收購了一個收銀機玩具,她之後去那裡也要帶著它,用它來 check 價錢喎...)
1330-1700  美國村 駕車順路到達美國村,這裡的停車場也是不收費的,而且也不滿座,真便利。
(超大的免費停車場,令人好感動,在香港,沒有一個停車場是不收費的...) 泊好車之後就步行往 グルメ回転すし市場[Gurume 迴轉壽司市場] (Tel.: 0989263222) ,沿路行,會不時聽到戰鬥機飛翔的嘈吵聲音,抬頭向天看,會看見戰鬥機飛過,就在這麼近的距離看到真正的戰鬥機,很震撼。
(就是這架 BB 車幫了很大的忙...)
(美國村的地標 - 摩天輪,而且還可以看到戰鬥機在摩天輪的上空飛過,很震撼!)
(全景拍攝的美國村和摩天輪,在藍天白雲映照下,真係好廣闊,在這裡生活應該很休閑)
(運河邊的藥房很大,就算沒有什麼要買,也是必去的地方,因為日本的藥房所賣的物品實在太琳瑯滿目,又靚又得意)
(這個美國村的名牌坊和附近的低密度建築物,給人很有外國的感覺,但這裡的治安相比美國好,感覺會很舒服,也很安全)
(過了馬路就是 グルメ回転すし市場 [Gurume迴轉壽司市場],因為天氣晴朗,影相真係好靚) グルメ回転すし市場 [Guremi迴轉壽司市場] 的壽司真的比香港吃的壽司更新鮮和好味,但並是那些網上傳聞中說的那麼無敵,所以不要抱很大的期望,就會有一種很喜出望外的驚喜了。
(就在這裡食午餐迴轉壽司,Yummy)
 
(賣相不錯,放入口亦很新鮮可口)
(很快就食完了,留意的是,這裡有湯烏冬和燉蛋,適合小朋友食)
食完壽司,就到就近的藥房走走,果然很大也很便宜;幸好有帶BB車,彤彤很快又睡著了。
(去到藥房,彤彤就用收銀機玩具 「Do」價錢,玩得累了,就乖乖睡著了)
彤彤昨晚睡得不夠,我們就讓彤彤好好睡一大覺,趁現在就在美國村周圍參觀一下。
步行到附近的 AEON北谷店逛逛,這裡超市的蔬果相對在香港賣的便宜很多很多,而且很新鮮,我們買了一些彤彤至愛的士多啤梨,一些柑和很重要的衣物壓縮袋,就離開了。
(AEON 超市賣的日本蔬果真便宜)
再到美國村周邊的商店逛,發現一間有賣平價 Edwin牛仔褲的 Outlet-J買了一條日本製的牛仔褲,包改,只需 4850日圓,平靚正。可惜我只買了一條。 1700-1830   殘波岬皇家酒店
因為彤彤睡著了,所以逗留在美國村的時間也多了,使原本計劃去 Gala青之海的行程也取消了;帶著小朋友,很大機會不能依足原先計劃的行程去玩,這是預料到的,所以不能太介意和著緊,其實,很多的行程安排也是為小朋友而定的,只要令彤彤的旅遊過程舒服、開心和自在就夠了。接近黃昏,怕入夜後到酒店的路程對正在習慣駕駛的太太很為難,所以計劃先到酒店 check-in,然後安置好行李後才再駕車外出吃晚飯。
(沿途風景如畫,很快就到日落時間,好靚) 由大路轉小路入酒店,路程頗長,而且街燈不多,主要靠車頭燈照明,不熟習地形和路徑的話要小心駕駛。 到達酒店,在超大的停車場泊好車,一下車就迎面接來超寒的冷風,晚上的氣溫竟然驟降到只得約 13度,於是急步將行李推入大堂 Check-in。酒店職員也跟我說,又是將兩張床併在一起給我們三人睡覺,而房間則安排在11樓,入內才發現,酒店把我們的房間 upgrade了,嘩嘩嘩,真體貼而又令人驚喜!
 
(房間很大呀,床頭設有Panasonic 納米放濕機,真貼心)
(洗手間分開梳妝和沐浴如廁間,真豪華,而且提供的沐浴露和洗髮露非常好用,讚!)
(每間房都有露台,而且全部向海,走出露台一看,靚到絕,我們房間面向殘波塔和棒球場)
  (房間面有 35 平方米,雖然設備不算新,但地方夠大,活動範圍夠廣,讚!)
心情平伏和安排好行李之後,和太太商量一會之後,因外面風大又寒冷,所以取消駕車外出,計劃又一次更改,到酒店內的食肆吃晚餐。這晚入住有很多人,大部分都 是日本人,很多年輕的男女,也有很多是來酒店外棒球場集訓的學生,也有一些香港人,雖然酒店很大也有很多食肆,但到晚飯時間就需要輪候等位,不太記得這晚 所去食肆的名稱,因為食物的味道非常一般,印象一點也不深刻,但,那裡的侍應知道我們不是日本人,特意安排一位靚靚女侍應用英文招呼我們,我跟她說了幾句,就問她是否懂中文,所以用國語點了餐,之後又跟她聊了幾句,原來她是台灣人,是來讀書,而在這種半工讀的。
(賣相是還可以的,但味道和質素卻很一般)
因為食物不太美味和有點貴,食完晚餐就到酒店內的便利店買了兩個杯麵,以備不時之需。
(酒店內有便利店,雖然比外面賣的貴一點,但總算不用出外就能買到一些手信和必用品)
(酒店的大堂是夠大夠壯觀,但裝修設計就太守舊了,沒有裝潢美目的雲石鋪砌,也沒有美麗的大吊燈,真有點可惜)
今晚要早點睡,因明天駕車的路程又長又遠。第二天旅程完結。 Remarks: 有關電話號碼請參考我之前計劃篇的列表: 2013沖繩7日帶B自駕遊(準備篇 4 - 行程計劃)
~沖繩自駕遊第2日完成~
請按連結看: 沖繩7日帶B自駕遊(第3日)
 

55 則留言:

  1. 第二日嘅行程好豐當喎! 同意你所講、只要小朋友玩開心、其他都无所謂啦! 西松屋好吸到呀! 我睇你影嘅相巳令我購物慾指數上升喇、睇嚟下个月荷包要大出血喇

    回覆刪除
    回覆
    1. 你下個月會去?西松屋會係你的首選,記住去宜野灣店,因這個是我去過的最大最齊 (List 內的西松屋都去過了),在那裡,你會好開心,你的小朋友也很開心呢。

      刪除
    2. 果度d野好平,買好多野都唔貴,放心...

      刪除
    3. 我哋15/5出發! 已鎖定宜野湾店! 最近yen跌得好勁、到時一定買得更疯狂 ^^

      刪除
    4. 玩得開心D呀,我諗你的小朋友會在西松屋玩得更開心。

      仲有呀,間店好大,入面又有廁所,唔怕人有三急啦。

      刪除
    5. 講真,我真係好想再去多次沖繩呀....

      不過呢,千萬唔好期望沖繩國際機場的規模喎,因為真係好細好水皮... 如果你有時間,可以去國內線走走,聽聞規模大好多倍。

      刪除
    6. 多謝你! 我今次嘅target係Tokyo Hands、伊江島、游水、100 yen店同通堂拉麵! 呢啲都係去年无去过嘅、希望今次去得晒啦

      刪除
    7. 唔知你今次去,果個起緊的國際線機場去到咩進度呢...
      你地會去邊度租車?

      刪除
    8. 上次係OTS、服務一流! 今次个package經專業旅運book、佢哋好似係 ABC rentacar、我无睇invoice、因為係我老公去book、我出發前要check多次! 等緊你出blog、希望快啲有得睇啦!

      刪除
    9. 專業旅運穩唔穩陣o架?ABC Rentacar 係咪有 shuttle bus 往返機場呀?
      我終於寫好第三日啦,寫到我暈...

      刪除
    10. 呢间租車公司都ok嘅、有接送架、当然 OTS規模大啲啦! 專業旅运可靠嘅、佢哋做自由行package多、我地比較过康泰、新毕、永安、EGL、係佢最抵、所以幫襯佢囉 ^^

      刪除
  2. 寫得好詳細~ 其待你之後行程的文章,我5月會帶埋一歲半既b女去沖繩,依家努力研究行程中~

    回覆刪除
    回覆
    1. 多謝你睇我個 blog 呀,我會好努力寫埋我之後果幾日的遊記,但因為有好多相和資料要整理,要多少少時間啦。不過你可以睇返我果4篇的準備篇,應該可以幫到你少少啦。
      http://geokibu.blogspot.hk/2013/03/20137b-4.html

      係呢,你地會租車嗎?記住要帶 BB 車喎,這是必備的。如果你有行程上的問題,可以和我分享一下,希望幫到你啦。

      刪除
  3. 多謝分享, 我下週三會帶廿二個月小朋友去沖繩自駕遊, 現在還在計劃行程

    回覆刪除
    回覆
    1. 計劃好了嗎?
      記住要帶BB車呀,雖然有點笨重,但當小朋友想休息想睡時,BB車就起了很大很大的作用啦。

      刪除
    2. 很期待你的遊記, 但因為下週三便出發, 所以想問下可否send你們的行程excel給我作參考可以嗎? josephmkchan@gmail.com

      刪除
    3. Joseph,請 check email la... 我已經 send 左俾你啦。
      你會去幾多日玩呢?

      刪除
    4. 已收到喇, 而家仲有幾個景點考慮中, 謝謝, 我地會去五日四夜

      刪除
    5. 諗住住幾多間酒店呀?

      刪除
    6. 那霸一晚, 恩納resort三晚呀

      暫時行程, **是必去, 其他則視乎當時情況

      Day 1: 17/4 (三)
      香港到沖繩
      16:30 那霸機場到步
      17:00 乘monorail 到縣前站入住東京第一那霸城市酒店 check-in
      18:30 晚餐 - 第一牧志公設市場
      20:00步行到國際通shopping
      21:30 回酒店休息

      Day 2: 18/4 (四)
      08:00 早餐
      09:00 收拾準備check-out
      10:00 OTS 到酒店接送到DFS分店租車
      11:30 天久樂市
      12:30 午餐 – 天久樂市附近餐廳
      14:00 **西松屋(新都心店/宜野灣店) shopping
      15:00 駕車到萬麗沖繩resort check-in
      16:30 御果子御殿 讀谷本店
      17:30 Aquagrace Chapel教堂
      18:00 **殘波岬燈塔日落
      18:30 殘波岬附近餐廳
      20:00 回酒店休息

      Day 3: 19/4 (五)
      07:30 早餐
      08:30 萬座毛
      09:30 **美麗海水族館/海洋劇場11:00/海龜館
      13:00 古宇利島橋
      13:30 午餐 –大家 (tel: 0980-53-0280 ) 名護市 中山90
      15:00 酒店resort設施 / 休息
      17:30 **sunset 海灘
      18:00 **美國村摩天輪
      19:00 晚餐 – 美國村附近餐廳
      21:00 回酒店休息

      Day 4: 20/4 (六)
      08:00 早餐
      09:00 酒店resort 設施
      10:30 **沖繩兒童王國 (tel: 098-933-4190)
      12:30 午餐 - ??
      14:00 勝連城跡
      15:00 海中道路
      18:00 晚餐 - 珠那 /和風亭 (具志川店) 098-974-3001
      http://www.san-a.co.jp/restaurant/wafu/top.asp
      20:00 回酒店休息


      Day 5: 21/4 (日)
      08:00 早餐
      10:00 酒店check-out
      11:30 **Ashibina Outlet shopping
      13:30 午餐 - ??
      14:30 回臨空豐見OTS分店還車
      15:00 機場回程行李寄倉check-in
      15:30 遊國內線買手信
      16:00 登機回港

      刪除
    7. Joseph,
      Day 2:
      西松屋有大有小,我建議你去宜野灣果間,大過新都心的好多好多,有車嘛,唔怕行遠D
      去殘波岬,不如去埋附近的 Gala 青之海體驗一下自製鹽,小朋友會鐘意的,因為由佢親手做喎。殘波岬附近無乜野食,要出返去啦,可以試下花織そば 的海人そば ,又平又好食,一碗麵=二人份量,掂呀。
      Day 3:
      好早起身喎,小朋友頂得住嗎?我覺得你應該無時間返酒店休息...可能會有變數,睇下得唔得啦。如果可以,推介你晚餐去元祖海葡萄店,好好味的。
      Day 4:
      你地無諗住去海中展望塔和坐那裡的玻璃船嗎?小朋友會好鐘意啦,因為有魚睇嘛。
      古蹟,我只去過首里城,覺得其他遺蹟對小朋友無乜吸引力嘛...所以無計劃過去啦。
      Day 5:
      Outlet 1/F 間樂風好得,你可以試下,平靚正,又坐得舒服。

      刪除
  4. 你好, 你的介紹非常詳細, 期望你餘下行程的介紹。我們一家3口會在5月去沖繩旅行 (仔仔是2歲8個月,同彤彤參唔多大)又係第一次一家去旅行, 心情都好興奮!!,可以要你的excel行程作參考嗎? 謝謝。另有d行程上的安排唔知好唔好, 可以問下你的意見嗎?
    Email: ruby.ng@ptt-asia.com

    回覆刪除
    回覆
    1. 多謝你,我會加速做好我其餘幾日的遊記啦。
      你也是一家三口去沖繩玩? 太好了,沖繩都幾適合一家大細去玩,因為都有很多保育和體驗...
      最緊要係要租車自駕遊,另一個更重要的就是要帶BB車,真係缺一不可。
      依家圓匯好抵,真羨慕你地啦,平好多呀。
      我已 send 我的 excel file 給你,請 check email 啦。
      我去的沖繩景點不是太多啦,因為帶住彤彤,好多計劃都會隨時變更,因為每日行程都由早上11點開始,要就阿囡起身食完早餐先行,所以無以前兩個人去旅行咁緊逼,反而有D hea...
      如你有任何問題,可分享啦,希望我可以幫到你啦。

      刪除
    2. 那天留言俾你後, 到今天才正式坐在電腦前。BTW, 我係EMAIL 俾左我計劃的行程俾你,如果有時間可以俾D意見嗎? 我地係冇咩做RESEARCH的情況下BOOK左4晚那霸酒店, 幾天的路程也只好比較遠了。有冇咩好食好玩的推介? 我地都係打算HEA遊,畢竟是小兒第一次出國, 唔好太走馬看花, 開心最緊要!!

      刪除
    3. 還有一個問題, 你地有冇租pocket wifi在當地使用? 手續如何?

      刪除
    4. 我的回答:[...]
      [你地會唔會租車呢?如果去咁遠,我建議你地租車... 唔係真係好多地方都好難去。]

      Day 1 (2/5/2013)
      Check-in Double Tree Hotel
      國際通
      Dinner: 牧志魚市場 (三越對面「平和通」入面)
      [如果去 OTS 租車,租完車去埋 Outlet la... 就在隔離,但要睇你咩機,因為你要預落機兼租車要2小時,要就返牧志市場會在晚上八點關門,另外,提一提,Outlet 入面有間叫樂風的餐廳,質素好高,但又唔貴]


      Day 2 (3/5/2013)
      水族館
      1 - 海豚劇場 = 1100 / 1300 / 1430 / 1600 / 1800
      2 - 海豚劇場旁邊的潛水人表演 = 1150 / 1350 / 1530 / 1730
      3 - 海豚湖 訓練 = 1130 / 1330 / 1500
      4 - 喂海豚 = 0900 / 1300 / 1400 (唔肯定係 1400 定1500)
      岸本食堂(沖繩麵)
      菠蘿園
      Dinner: 大家
      [我地上次去傻到只看了水族館,其他都無去,你預去玩3-4小時啦,但要就你的小朋友的起身時間,我地每日的出動時間都大約11點,由殘波岬酒店去到水族館用了2小時。另,聽人話菠蘿園無乜野好行,而我地去過隔離個水果園,更加唔得,不過出面果個賣紀念品的商場好大,好多野買,值得去。大家是一間好好的郊區地道食肆,食物好味,但無冷氣,記住帶驅蚊的工具幫BB驅蚊]


      Day 3 (4/5/2013)
      萬座毛
      海中展望塔 (玻璃底船)[建議你去埋果個沙灘,唔駛第4日再去]
      殘波岬 [其實得個塔,我上個月去封了,無得上去,天氣好的時候,勁靚,殘波岬沙灘都好得,既然去得這裡,去埋附近的 Gala 青之海,俾小朋友體驗做鹽,我個囡好鐘意玩呢]
      兒童王國(沖縄こどもの国) [我無去這個地方,你可試試,但如有時間可去 Bios之丘,可親近出羊等動物,對小朋友也很好的體驗]
      Dinner: 美國村 - 燒肉夢丸 [這個我無試過呀,好食的話,話我知丫]
      [花織そば (就在殘波岬附近,去完 Gala 青之海可順路去):0989584479 的海人そば很多海鮮料也很好味呢]

      Day 4 (5/5/2013)
      Sunset Beach / Busena Terrace(即海中展望塔)果個海灘 [建議上一日去埋,唔駛再去咁遠,一來一回無左2個幾鐘]
      那霸市內遊
      -西松屋、BABIESRUS、NAHA MAIN PLACE 2F(兒童區) (Near Daiwa Roynet Hotel)、fukugiya黑糖旦糕
      [西松屋宜野灣店一定要去啦]
      Dinner Jack's Steak House / 石垣牛 [阿囡太細唔鐘意食肉,所以無去呀..]

      Day 5 (6/5/2013)
      Okinawa Ashibinaa Outlet Mall [第一日去完,最尾果日最後衝呀]

      [我無租 pocket wifi 呀,但我的計劃篇3有提及,可去看看:
      http://geokibu.blogspot.hk/2013/03/20137b-3-android-apps.html]
      [因我唔想花太多時間上網,去旅行嘛,費事成日睇住 whatsapp 啦、facebook 啦,而且一日88蚊,我去7日就要六百幾蚊,唔多抵嘛,寧願慳錢買手信/禮物/食物好過,而且酒店有 wifi /自駁 wifi router 去 lan port 的 service,可回酒店上網啦。

      刪除
  5. 你好,多謝分享,期待你繼續分享餘下行程
    我們6月將會帶19個月大的小女到沖繩
    因為第一次帶她出門,所以特地search有小朋友參與的遊記參考

    回覆刪除
    回覆
    1. 真係有緣啦,俾你 Search 到我的 Blog。
      你地計劃成點呢?會去幾多日呀?去沖繩玩,我覺得一定要租車...
      記住帶 BB 車去呀,好重要的...

      刪除
    2. 多謝你提醒,我地特登換左架輕便士的車準備帶去

      其實我地09年去過沖繩,上次都係租車

      我地今次會去5日,第一次帶個女出門唔敢去太耐,主要都係想同佢去玩下沙玩下水,海洋博睇下魚魚,我地又可以行下西松屋同baby r us之類買下野咁,所以今次唔打算特別plan行程,淨係會諗定d想去嘅地方搵機會去,始終帶小朋友好多變數

      刪除
    3. 係呀,真係好多變數,我地每日行程由早上11點開始,所以去唔到好多地方。

      如果想玩沙,可以去中部和北部的酒店,找一些在海灘旁的,我地上次去殘波岬酒店,旁邊好近有沙灘,但為著方便,唔駛拿著太多東西,所以我地駕車前往,陪阿囡玩沙...殘波岬酒店有點舊,但都有4星級,唔介意可以試試。
      另,海中展望塔果度有沙灘也有酒店,都幾靚,可以試試,但我唔知價錢如何。

      記住去西松屋,去最大果間,在宜野灣,你入到去,阿囡同你一定好開心。

      刪除
    4. 宜野灣西松屋,收到 :-)

      d機好爆,所以我book左喇
      我今次book左全程住南部southern beach,因為睇報紙影過好靚,又好新,同埋有沙灘,最重要係唔貴,泊車又免費,係就係遠d(特別係上名護同海洋博),不過會揸車,同埋主要係去hea所以冇大所謂

      海中展望塔果間好好好好好貴,重貴過我地上次住ana intercontinental,當年有過什麼n國峰會都係喺果度舉行

      刪除
    5. http://geokibu.blogspot.hk/2013/03/20137b-4.html

      上面個 Link 有我的電話表,有晒我去過果幾間西松屋的電話,方便你輸入 GPS 啦。我地果幾間去晒,惟獨第一次去果開宜野灣店最大最有規模。

      南部我之前完全無 consider 過,因為果邊好多歷史遺跡,大戰遺留下來的古蹟,我地大人可能都可以有興趣睇下,但對阿囡就無乜吸引力,因為佢都唔知係乜,所以我的 planning 無 consider 過南部,亦都無去過其他地方的古蹟,只去過首里城,但無乜好睇囉。

      你住南部北上海洋館都好遠下喎,我諗要駕2-2.5小時車,來回加埋4個幾鐘...

      海中展望塔果間酒店真係好靚,又對住個靚海灘,好正囉,聽聞話上次開峰會的房間,入面的格局座位無變,給人參觀呢。

      刪除
  6. 多謝你分享

    我揀南部都係為左間酒店,玉泉洞上次去過,其他景點又冇乜興趣
    南部上海洋博google map check過有成93km,行公路都要兩個半鐘,行國道58重要三四個鐘,所以我可能中間會攝d活動

    回覆刪除
    回覆
    1. 你明天起行、祝旅途愉快!小朋友一定会很難忘! 我还要多等一个月、五月中才去!

      刪除
    2. Puppy Cheese,係呀,如果行有料車路會快D,好似可以開 100Mph 的,但一來一回真係好長時間,無左半日囉... 去水族館當日,盡量去埋海國展望塔呀... 去百年飯店-大家食飯,食元祖海葡萄店等等...

      不過要睇你地幾點出發囉,太早的話,小朋友可能頂唔住...

      刪除
    3. Eva,你就好啦,就快可以去享受陽光海灘...
      不過呢,今個月,沖繩同香港差唔多,成鬼日落雨...

      刪除
    4. Geokibu, 我已經等到條頸長咗幾cm ^^ 仲要等一個月呀! 唉, yahoo 嗰边搞到我啲相好細,好煩、我update緊荒廢多年嘅blogger ><

      刪除
    5. 哈哈,我再上一次去旅行,係2007年去大阪,當時圓匯好正,係6.5;而我剛去的沖繩,未去前用左成個月計劃,好彩都玩得好開心啦。
      係呀,yahoo 好唔掂,所以我放棄佢,而玩 Google 囉。

      刪除
    6. Eva,如果你想更容易 update google blog,你可以 download window live writer,可以 offline update,然後 post 返落 google blog 的 draft,好易用,最正就係放相片好易,唔似網上寫 Google blog 咁,D位亂晒大籠。

      刪除
    7. 我幾年前去東京都同你差吾多、对6到啦、去年沖繩对10、真係好吾見洗! 我家陣仲未買yen、等佢再跌多啲至入手 :P Thanks! 咁我要快啲 download window live writter 喇! yahoo啲blog友我吾捨得放棄、blogger呢边多function、放大縮細啲相又得、靚好多、唯有兩边update 啦 @@"

      刪除
    8. 依家相比前排的1對10已經好好多啦...
      個 Window Live Writer 勁好用,忘記 Yahoo 吧,我也無計可施下放棄了 Yahoo Blog,除了 Yahoo Blog 好唔掂之外,因為 yahoo blog 只給 Yahoo 人留言而使很多有心人不能留言,這裡就大眾化很多啦。

      刪除
    9. 係呀、比起去年对10、今次啲錢見洗得多、買嘢吾洗就住荷包啦 ^^ 多謝你嘅建議! 我暫時会兩边都 update、將 blogger 嘅 blog, cut and paste 过 yahoo blog、咁就吾浪費時間、亦可keep住同blog 联絡 ^_^

      刪除
    10. 我唔諗住 update 啦,想保持 blog 的原創性,所以 google blog 會最後留低。
      我因為好耐無寫 yahoo blog,所以好多 blog 友都無晒,希望在 google blog 重新開始。
      好開心識你這個新 Blog 友啦。

      刪除
  7. 回覆
    1. 火火,咪笑我啦,有好多相啦,依家寫緊,希望明天前出到第三日啦。

      刪除
    2. 火火,我琴晚寫好啦。哈哈。

      刪除
  8. Dear 亞B:
    超級多謝你分享了行程表給我,我打算倒模你的行程呢!!Like:)
    Thanks again!

    Shan

    回覆刪除
    回覆
    1. 唔駛客氣,不過我地真實的行程和當初 plan 的有點不同呢,比原本的計劃更鬆散,更 hea,好多地方都去唔切,希望你唔好介意啦。

      刪除
  9. 你好,我十-月尾去沖繩,可否分享你的行程表資料俾我,thanks

    回覆刪除
  10. 你好,你好,寫得好詳細,多謝分享,,我十月尾去沖繩,可否分享你的行程表資料俾我,e-mail: lai5626@yahoo.com
    thanks

    回覆刪除
    回覆
    1. Thanks a lot... sorry for late reply, I have sent u the files, please check email.

      刪除
  11. HALO!!!!!多謝分享,,我4月去沖繩,可sed你的行程表&資料俾我MA???,e-mail: apple_hkbethel@yahoo.com.hk
    Many thanks

    回覆刪除

請暢所欲言...